وزیراعظم نریندر مودی کا کل دورۂ راما گنڈم

چیف سکریٹری سومیش کمار نے انتظامات کا جائزہ لیا
حیدرآباد ۔چیف سکریٹری سومیش کمار نے آج اعلیٰ عہدیداروں کے ساتھ اجلاس منعقد کرتے ہوئے وزیراعظم نریندر مودی کے 12 نومبر کو دورہ راما گنڈم کے انتظامات کا جائزہ لیا۔ چیف سکریٹری نے سرکاری محکمہ جات کو ہدایت دی کہ وہ بہتر تال میل کے ذریعہ وزیر اعظم کے دورہ کو کامیاب بنائیں۔ انہوں نے محکمہ پولیس کو مناسب سکریٹری انتظامات ، لاء اینڈ آرڈر اور بندوبست کیلئے ہدایات جاری کیں۔ حیدرآباد اور راما گنڈم میں وزیراعظم کی موجودگی کے موقع پر نقائص سے پارک انتظامات کئے جائیں گے۔ چیف سکریٹری نے کلکٹر پدا پلی ایس سنگیتا اور کمشنر پولیس راما گنڈم چندر شیکھر ریڈی کے علاوہ راما گنڈم فرٹیلائزرس کے چیف اگزیکیٹیو آفیسر اے کے جین کے ساتھ ٹیلی کانفرنس کرتے ہوئے انتظامات کی تفصیلات حاصل کیں۔ اجلاس میں ڈائرکٹر جنرل پولیس مہیندر ریڈی ، اسپیشل چیف سکریٹری توانائی سنیل شرما ، پرنسپل سکریٹری ہوم روی گپتا ، سکریٹری جی اے ڈی شیشادری ، سکریٹری عمارات و شوارع سرینواس راجو، ڈائرکٹر جنرل فائر سرویسز سنجے کمار جین اور دیگر عہدیداروں نے شرکت کی۔