پاکستانی کرکٹر حسن علی کی ہریانہ کے میوات کی جس لڑکی سے شادی ہورہی ہے وہ ایئر امارات میں فلائٹ انجینئر ہے۔ وہ نوح کے چندونی گاؤں کی رہائشی ہے۔ نام ہے شامیہ آرزو۔ یہ شادی 20 اگست کو دبئی میں ہوگی۔ پاکستان میں میوات کے علاقے کی کئی لڑکیوں کی شادی ہوئی ہے ، لیکن ہائی پروفائل ہونے کی وجہ سے یہ رشتہ خاص ہے۔ میوات کے صحافی یونس علوی بتاتے ہیں کہ شامیہ کے کچھ رشتہ دار پاکستان میں رہتے ہیں۔ وہیں سے یہ شادی طے کی گئی ہے۔ حسن علی ایک تیز گیندباز ہیں جس کے ساتھ وہ شادی کے بندھن میں بندھنے والی ہیں۔ شادی کی تیاریاں زوروں پر ہیں۔
پاکستان کے متنازعہ کرکٹر حسن علی ان دنوں ایک بار پھر سرخیوں میں ہیں۔ اس بار اس کی وجہ ان کی شادی ہے۔ دراصل، پاکستان کے تیز گیندباز حسن علی ہریانہ کی لڑکی شامیہ آرزو سے شادی کرنے جا رہے ہیں۔ ہریانہ کے نوح میں رہنے والی شامیہ ائیر امارات میں فلائٹ انجینئر ہیں۔ دونوں کی شادی 20 اگست کو ہونی طے ہوئی ہے۔ پاکستان میں میوات کے علاقے کی کئی لڑکیوں کی شادی ہوئی ہے ، لیکن ہائی پروفائل ہونے کی وجہ سے یہ رشتہ خاص ہے۔ میوات کے صحافی یونس علوی بتاتے ہیں کہ شامیہ کے کچھ رشتہ دار پاکستان میں رہتے ہیں۔ وہیں سے یہ شادی طے کی گئی ہے۔ حسن علی ایک تیز گیندباز ہیں جس کے ساتھ وہ شادی کے بندھن میں بندھنے والی ہیں۔ شادی کی تیاریاں زوروں پر ہیں۔
ہندوستانی ٹینس اسٹار ثانیہ مرزا کے بعد یہ دوسرا موقع ہے جب کسی پاکستانی کرکٹر کی دلہن ہندوستانی ہوگی۔ حالانکہ حسن علی عالمی کرکٹ میں اتنا جانا پہچانا نام نہیں ہے اور اپنے کھیل سے زیادہ یہ کھلاڑی تنازعات کی وجہ سے زیادہ سرخیاں بٹورتا رہا ہے۔ آئیے، حسن علی کے ایسے ہی کچھ تنازعات پر ڈالتے ہیں نظر۔
واگہہ بارڈر پر شرمناک حرکت: پاکستان کے تیز گیندباز حسن علی 22 اپریل 2018 کو واگہہ بارڈر پہنچے اور اپنی شرمناک حرکتوں سے وہاں موجود ہندوستانیوں کو اکسانے کی کوشش کی۔ اس دوران وہ عجیب وغریب طریقہ سے چھلانگ لگاتے ہوئے بھی نظر آئے۔ حالانکہ پاکستان کے سابق تیز گیندباز شعیب اختر نے عالمی کپ میں حسن علی کی خراب کارکردگی کے بعد ان کی اس حرکت پر انہیں پھٹکار بھی لگائی تھی۔ شعیب نے کہا تھا کہ آپ وہاں واگہہ بارڈر پر چھلانگیں مار رہے ہو ، آپ یہاں پر آ کر کرو بالنگ۔ میدان پر زور لگاؤ۔ یہ چیز تب اچھی لگتی ہے جب 6-7 آؤٹ کرتے ہیں ۔ آپ نے آکر 84 رن کھا لئے۔ شعیب نے کہا تھا کہ نہ رفتار ہے نہ سوئنگ ہے۔ مجھے سمجھ میں نہیں آتا کہ وہ کیا حاصل کرنا چاہتے ہیں۔
