ہندوستان اور نیوزی لینڈکے درمیان ہوگا ورلڈکپ کا فائنل :متالی

کولکاتا : ہندوستان کی تجربہ کار کرکٹر اور سابق کپتان میتالی راج نے آئی سی سی ٹی 20 ورلڈ کپ 2022 کے بارے میں پیشین گوئی کرتے ہوئے کہا ہے کہ نیوزی لینڈ اور ہندوستان فائنل میں آمنے سامنے ہوں گے ۔متالی واحد ہندوستانی کپتان ہیں جنہوں نے دو ورلڈ کپ فائنل میں خاتون ٹیم کی قیادت کی ہے ۔
متالی نے اسٹار اسپورٹس پروگرام کرکٹ لائیو میں کہا’’سیمی فائنل کے لیے میری پیشین گوئی ہے کہ گروپ2 سے ہندوستان اور جنوبی افریقہ آگے جائیں گے ۔ گروپ1 میں نیوزی لینڈ کے ساتھ انگلینڈ یا آسٹریلیا میں سے کوئی ایک ہوگا۔ بلا شبہ فائنل میں ہندوستان اور نیوزی لینڈ کو وہاں ہونا ہے ۔ انہوں نے فائنل کے بارے میں مزید پیش گوئی کرتے ہوئے کہا، ’’جہاں تک ٹورنامنٹ کے فائنل کا تعلق ہے، اس میں کوئی شک نہیں کہ ہندوستان اس مقام تک پہنچ جائے گا جہاں وہ نیوزی لینڈ کا مقابلہ کر سکتا ہے۔‘‘ بین الاقوامی کرکٹ سے ریٹائر ہونے والی میتھالی راج نے اپنی کمنٹری کا آغاز اتوار کو ہندوستانی اور جنوبی افریقہ کے درمیان کھیلے گئے میچ سے کیا۔ وہ کئی سال قبل ٹی ٹوئنٹی انٹرنیشنل کرکٹ سے ریٹائر ہو چکی تھیں۔