مغربی اتر پردیش کے جمنا ایکسپریس وے انڈسٹریل ڈیولپمنٹ اتھارٹی میں ہوئے 126 کروڑ کے گھوٹالے کے الزام میں جمعہ کو گوتم بدھ نگر پولس نے انڈین ایڈمنسٹریٹو سروس (آئی اے ایس) کے رٹائرڈ افسر اور اتھارٹی کے سابق چیف ایگزیکٹیو افسر پی سی گپتا کو مدھیہ پردیش سے گرفتار کر لیا گیا۔اس گرفتاری کی تصدیق میرٹھ کمشنری کے کمشنر پربھات کمار نے کی ہے۔ اس معاملہ میں ان کے ساتھ چار دیگر افراد کی گرفتاری کی بھی اطلاعات ہیں۔گوتم بدھ نگر کے سینئر پولس سپرنٹنڈنٹ اجے پال شرما کے مطابق تقریبا 20 دن پہلے جمنا ایکسپریس وے انڈسٹریل ڈیولپمنٹ اتھارٹی میں ہوئے تقریباً 126 کروڑ روپے گھوٹالے کو لے کر ایک ایف آئی آر كاسنہ تھانہ میں درج کرائی گئی تھی۔ تب ہی سے سابق آئی اے ایس پی سی گپتا اور ان کا کنبہ مفرورتھا۔
سابق آئی اے ایس کی گرفتاری کو لے کر ان کے موبائل فون کی لوکیشن مسلسل ٹریک کی جا رہی تھی اسی کی بنیاد پر پولس کو اطلاع ملی کی وہ اور ان کا کنبہ مدھیہ پردیش کے دتيہ واقع ایشانبرا مندر درشن کرنے کے لئے گیا ہوا ہے۔ اس کے بعد پولس نے گھیرا ڈال کر وہاں سے لوٹتے وقت ان کوگرفتار کر لیا۔پی سی گپتا پر الزام ہے کہ انہوں نے مالی فائدہ اٹھانے کے لئے متھرا کے علاقے میں کچھ زمینیں خریدی اور ان کا ایکوائمنٹ اتھارٹی سے کروا کر فائدہ حاصل کیا، اس کے علاوہ ان پر بہت سے ٹھیکوں میں بے ضابطگیوں کا بھی الزام ہے۔گزشتہ دنوں جمنا اتھارٹی کے چیئرمین اور میرٹھ کمشنری کے کمشنر ڈاکٹر پربھات کمار کی ہدایت پر پی سی گپتا، تحصیلدار سریش شرما اور زمین خریدنے والی 19 كمپنیوں کے خلاف كاسنہ تھانہ میں ایک کیس درج کرایا گیا تھا۔
