گورکھپور:وزیر اعظم نریندر مودی آج 9600 کروڑ روپے سے زیادہ کے کچھ دیگر ترقیاتی پروجیکٹوں کو قوم کے نام وقف کریں گے، جن میں گورکھپور میں ہندوستان فرٹیلائزرز اینڈ کیمیکل لمیٹڈ کی کھاد فیکٹری اور آل انڈیا انسٹی ٹیوٹ آف میڈیکل سائنسز (ایمس) شامل ہیں۔
اتر پردیش حکومت کے ایک ترجمان نے کہا کہ وزیر اعلی یوگی آدتیہ ناتھ کی موجودگی میں کھاد فیکٹری اور ایمس کے علاوہ وہ آئی سی ایم آر کے علاقائی میڈیکل ریسرچ سینٹر کا بھی افتتاح کریں گے۔ یہ تمام پروجیکٹ آتم نربھر بھارت کو اجناس اور صحت کی حفاظت فراہم کرنے میں اہم کردار ادا کریں گے۔
تقریباً 598 ایکڑ میں لگائی گئی کھاد فیکٹری کی لاگت 8,603 کروڑ روپے ہے۔ اس پلانٹ کی صلاحیت یومیہ 2,200 میٹرک ٹن مائع امونیہ اور 3,850 میٹرک ٹن نیم کوٹیڈ یوریا پیدا کرنے کی ہے۔ یہ فرٹیلائزر کارخانہ سالانہ 12.7 لاکھ میٹرک ٹن پرلڈ نیم کوٹیڈ یوریا تیار کرے گی۔ مودی نے منگل کو ٹویٹ کیا کہ 30 سال سے بند گورکھپور کھاد فیکٹری کو دوبارہ شروع کیا جا رہا ہے۔ اس پر خوشی کا اظہار کرتے ہوئے انہوں نے کہا کہ اس پلانٹ کے شروع ہونے سے ملک کو کھاد کی پیداوار میں خود کفیل بنانے میں مدد ملے گی۔
وزیر اعظم کے گورکھپور دورے کے مطابق مودی دوپہر 12:30 بجے گورکھپور پہنچیں گے۔ ہوائی اڈے سے وہ دوپہر ایک بجے پنڈال پہنچیں گے۔ یہاں وہ دوپہر 2:20 بجے ایمس اور کھاد فیکٹری کا افتتاح کریں گے۔ وزیر اعظم تین بجے گورکھپور سے دہلی کے لیے روانہ ہوں گے۔
مودی آج گورکھپور کو ایمس اور کھاد فیکٹری کا تحفہ دیں گے
