کشمیر اور آرٹیکل 370 پر ہورہا مہاراشٹر اسمبلی انتخاب، علاقائی مسائل مکمل طور پر نظر انداز: شہلا رشید

ممبئی: جے این یو طلبہ یونین کی سابق نائب صدر شہلا رشید نے دعویٰ کیا کہ مہاراشٹر میں الیکشن 370 اور کشمیر کے موضوع پر ہورہے ہیں۔
ریاست مہاراشٹر کے دارالحکومت ممبئی سے متصل پاورلوم صنعتی شہر بھیونڈی کے مشرق اسمبلی حلقہ سے سماجوادی پارٹی امیدوار رئیس شیخ کی حمایت میں جے این ایو طلبأ یونین کی سابق رہنما شہلا رشید نے عوام سے اپنے خطاب میں کہا کہ مہاراشٹر کے مسائل اور مدعوں کو چھوڑ کر حلقے میں کشمیر کے موضوع سمیت 370 پر انتخابات لڑے جارہے ہیں۔مہاراشٹر میں انتخاب 370 اور کشمیر پر ہورہا ہے مہاراشٹر میں شہلا رشید کے علاوہ عمر خالد اور ممبرا کلوا اسمبلی حلقہ میں کنہیا کمار نے بھی جلسہ عام سے خطاب کیا۔ شہلا رشید نے سوال کیا کہ میڈیا اسٹوڈیو میں بیٹھ کر بتایا جارہا ہے کشمیر کے عوام بہت خوش ہیں تو کوئی بتائے کرفیو کیوں لگایا گیا ٹیلی کام اور انٹرنیٹ پبلک ٹرانسپورٹ، اسکول کالج کیوں بند ہیں؟اتنا ہی نہیں بلکہ انہوں نے کہا کہ ہسپتالوں میں لوگ کیوں مر رہے ہیں کشمیر میں ماؤں سے ان کے بچوں کو کیوں چھینا جارہا بچوں کو جیل میں ڈال دیا جارہا ہے یہ بی جے پی کا وکاس کا ماڈل ہے اور ” نریندر مودی وکاس نہیں وناش پروش ہے۔واضھ رہے کہ مہاراشٹر کے ضلع تھانے میں جے این یو طلبأ یونین کے سابق رہنماؤں نے اسمبلی انتخابات کی تشہیری مہم میں حصہ لیتے ہوئے عوام سے خطاب کیا تھا۔