بھوپال میں جمعہ کی صبحگنیش وسرجن کے دوران گھٹلاپورا گھاٹ پر ہوئے کشتی حادثے کا ویڈیو سوشل میڈیا میں وائرل ہو رہا ہے۔ ویڈیو میں واضح طور پر دکھائی دے رہا ہے کہ دو کشتیوں پر سوار نوجوانوں نے گنیش جی کی مورتی کو تالاب میں وسرجت کرنے کے لئے دھکیلا۔ اسی دوران کشتی کاتوازن بگڑ گیا اور کشتی ڈوبنے لگی۔
اس دوران ڈوب رہی کشتی میں سوار نوجوان بچنے کے لئے دوسری کشتی میں چڑھنے لگے۔ سب سے حیران کرنے والی بات یہ ہے کہ کشتی پر سوارملاح نوجوانوں کی مدد کرنے کی بجائے خود کو بچانے کے لئے تالاب میں کود گئے اور تیر کر باہر آ گئے۔ ویڈیو میں یہ بھی نظر آ رہا ہے کہ کشتی ڈوبنے کے بعد نوجوان اپنی جان بچانے کے لئیجدوجہ و کرتے اور تڑپتے رہے۔ اس دوران کنارے پر کھڑے لوگ چلاتے رہے، کچھ لوگ تالاب میں دوسری کشتی سے جلدی پہنچنے کے لئے آواز لگا رہے ہیں۔ لیکن، اس دوران جنہیں تیرنا نہیں آتا تھا وہ تالاب میں ڈوب گئے۔ پولیس نے کشتی چلا رہے دونوں ملاح پر کیس درج کر لیا ہے۔
وہیں حادثے میں کل کتنے لوگ لاپتہ ہوئے ہیں، اس کی پختہ جانکاری انتظامیہ کے پاس نہیں ہے۔ پولیس نے اپیل جاری کر وسرجن کے لئے گئے لوگوں کے گھر نہیں لوٹنے پر معلومات دینے کو کہا ہے۔ انتظامیہ نے کہا ہے کہ جن خاندانوں کے لڑکے لاپتہ ہیں، ہمیں مطلع کریں۔ وہیں، پولس بستی میں جا کر لوگوں سے پوچھ گچھ کر رہی ہے کہ وسرجن کے لئے کون کون آئے تھے۔ موقع پر تلاشی مہم جاری ہے۔ رات رسانی کے کاموں میں لگی ٹیموں نے کرین کی مدد سے دونوں کشتیوں کو تالاب سے باہر نکال لیا ہے۔
