واشنگٹن: امریکی حکام نے دعویٰ کیا ہے کہ انٹیلی جنس آپریشن کے دوران حمزہ بن لادن کو ہلاک کردیا گیا ہے۔امریکی میڈیا کے مطابق القاعدہ کے سربراہ اسامہ بن لادن کے جانشین حمزہ بن لادن کو ایک انٹیلی جنس آپریشن میں قتل کردیا گیا۔ امریکی حکام نے اس آپریشن کی کوئی تفصیلات فراہم نہیں کیں کہ انہیں کب، کہاں اور کیسے ہلاک کیا گیا۔
حمزہ بن لادن کی موت سے متعلق سوال پر امریکی صدر ڈونلڈ ٹرمپ نے اس بارے میں کوئی بات کرنے سے انکار کردیا۔ حمزہ کی عمر 30 سال تھی اور وہ القاعدہ کے اہم لیڈر تھے۔ امریکا نے انہیں عالمی دہشت گرد قرار دیتے ہوئے ان کی معلومات فراہم کرنے پر 10 لاکھ ڈالر انعام کا اعلان کیا تھا۔اس سال مارچ میں سعودی عرب نے بھی حمزہ بن لادن کی شہریت منسوخ کر دی تھی۔
وہیں امریکی صدر ڈونالڈ ٹرمپ نے صحافیوں کے ذریعے پوچھے جانے پر حمزہ بن لادن کی ہلاکت پر تبصرہ کرنے سے گریز کیا ہے۔ وہائٹ ہاؤس کے قومی سلامتی کے مشیر جان بولٹن نے بھی یہی کہا۔ رپورٹ کے بارے میں ہوچھے جانے پرٹرمپ نے وہائٹ ہاؤس کے صحافیوں سے کہا کہ، ‘میں اس پر کوئی تبصرہ نہیں کرنا چاہتا۔ ایک امریکی افسر نے کہا کہ 2018 کے بعد سے حمزہ بن لادن کو ذمہ دار ٹھہرایا گیا کوئی بھی عوامی بیان نہیں آیا ہے۔
روئٹرز کے مطابق امریکی صدر ڈونلڈ ٹرمپ نے بدھ کو اس سوال پر کہ آیا انھیں اس آپریشن کے بارے میں کوئی علم تھا، جواب میں کہا کہ ‘میں اس بارے میں کوئی بات کرنا نہیں چاہتا۔
