پونے میں ہیلی کاپٹر حادثہ ،3افراد ہلاک

پونے : مہاراشٹرا کے پونے میں چہارشنبہ کو ایک ہیلی کاپٹر میں آگ لگنے کے بعد گرکر تباہ ہونے سے دو پائلٹوں سمیت تین افراد کی موقع پر ہی موت ہوگئی پولیس نے یہ اطلاع دی ۔پولیس نے بتایا کہ ہیریٹیج ایویشین کا ہیلی کاپٹر صبح باودھن علاقہ میں آکسفورڈ کاؤنٹی ریزورٹ کے ہیلی پیڈ سے ٹیک آف کرتے ہوئے وقت گرکر تباہ ہوگیا ۔ پولیس نے مرنے والوں کی شناخت دو پائلٹ مجیت سنگھ وار جی کے پلئی اور انجنیئر پریتم بھردواج کے طور پر کی ہے ۔پولیس نے بتایا کہ ہیلی کاپٹر ٹیک آف کے صرف تین منٹ بعد ہی گرکر تباہ ہوگیا جب وہ گھنی دھند کے درمیان پہاڑی علاقے سے گزررہا تھا ۔ ہیلی کاپٹر نیشنلسٹ کانگریس پارٹی کے ایک لیڈر کو لینے اور رائے گڑھ ضَع کے سوترواڑی لے جانے کیلئے ممبئی کی طرف جارہا تھا ۔