راہل گاندھی کا پارلیمنٹ پہنچنے پر ’انڈیا‘ کے لیڈروں نے پرتپاک استقبال کیا

نئی دہلی، کانگریس لیڈر راہل گاندھی کا پیر کو پارلیمنٹ ہاؤس پہنچنے پر اپوزیشن جماعتوں کے رہنماؤں نے پرتپاک استقبال کیا۔
مسٹرگاندھی پیر کو دوپہر 12 بجے سے تھوڑا پہلے پارلیمنٹ ہاؤس پہنچے تو پہلے سے موجود انڈین نیشنل ڈیولپمنٹ انکلوسیو الائنس (انڈیا) کے لیڈر ادھیر رنجن چودھری، پی چدمبرم، رام گوپال یادو، سنجے راوت، تروچی سیوا، پرمود تیواری اور دیگر رہنماوں نے ان کا استقبال کیا۔ یہ لیڈر راہل گاندھی زندہ باد اور انڈیا انڈیا کے نعرے لگا رہے تھے۔ کانگریس قائدین نے ایک دوسرے کو لڈو بھی کھلائے۔
مسٹر گاندھی کے ساتھ ان کی والدہ اور کانگریس کی سابق صدر سونیا گاندھی بھی تھیں۔
اپنی گاڑی سے اترنے کے بعد مسٹر گاندھی پارلیمنٹ ہاؤس کے احاطے میں واقع بابائے قوم مہاتما گاندھی کے مجسمے کے پاس گئے اور انہیں خراج عقیدت پیش کیا۔
مودی سرنیم کے حوالے سے تبصرہ کرنے پر سورت کی ایک عدالت میں دوسال کی سزا سنائے جانے کے بعد مسٹر گاندھی کی لوک سبھا رکنیت منسوخ کردی گئی تھی۔ جمعہ کو سپریم کورٹ سے راحت ملنے کے بعد مسٹر گاندھی کی لوک سبھا رکنیت پیر کو بحال کردی گئی۔