کرناٹک اسمبلی انتخابات کے پیش نظرکانگریس کے سرکردہ لیڈر راہل گاندھی پیر کو بیلگام میں اپنی پہلی انتخابی ریلی سے خطاب کریں گےجہاں وہ نوجوانوں کے لیے پارٹی کی ’گارنٹی‘ اسکیم کا اجراء کریں گے۔راہل،جو کئی پروگراموں سے خطاب کرنے کے لیے برطانیہ میںتھے، بدھ کو دارالحکومت میں لوٹ آئےہیں اورجلدہی انتخابی مہم میںسرگرم ہوجائیں گے۔
ذرائع نے بتایا کہ راہل انتخابات سے قبل کانگریس کی طرف سےاس مرتبہ نوجوانوں کیلئے ممکنہ طورپر چوتھی ’گارنٹی‘اسکیم کا اعلان کریں گے۔ کرناٹک کےلیڈروں نے کہا کہ توقع ہے کہ راہل بے روزگار نوجوانوں کو بھتہ دینے کے وعدے کا اعلان کریں گے۔تاہم پارٹی کی جانب سے کوئی باضابطہ تصدیق نہیں کی گئی۔حال ہی میں، کانگریس کے اقتداروالی چھتیس گڑھ حکومت نے اپنے بجٹ میںبے روزگار نوجوانوں کیلئے ۲۵۰۰؍ روپے ماہانہ الاؤنس کا اعلان کیا ہے۔
ذرائع نےبتایا کہ راہل اور پرینکا انتخابات سے پہلے کرناٹک میں سلسلہ وار ریلیوں کا انعقاد کریں گے۔پارٹی سے۵؍’گارنٹی‘اسکیموں کی نقاب کشائی کی توقع ہےاوراب تک اس نے ۳؍ کا اعلان کیا ہے۔کانگریس جنرل سکریٹری پرینکا گاندھی واڈرا نے گھریلو خواتین کو ماہانہ ۲؍ ہزار روپے’گرہ لکشمی‘ اسکیم کے تحت دینے کا اعلان کیا ہے۔پارٹی نے’گرہ جیوتی‘ اسکیم کے تحت ۲۰۰؍ یونٹ مفت بجلی اور’انّ بھاگیہ‘ اسکیم کے تحت۱۰؍کلو چاول مفت دینے کا بھی اعلان کیا ہے۔
فی الحال، کانگریس کارکنان ووٹروں کو’گارنٹی کارڈ‘دے رہے ہیں،اوران سے وعدہ کر رہے ہیں کہ وہ اقتدار میں آنے کے بعداس کے تحت اعلان کریں گے۔ حال ہی میں اس نے ریاست کےہر گھر تک پہنچنےکیلئے’دروازے پر دستک‘ کے عنوان سےپروگرام کا بھی اہتمام کیا تھا۔
ریاستی کانگریس صدر ڈی کے شیوکمار، کانگریس لیجسلیچر پارٹی لیڈرسدارامیا اور لیجسلیٹیو کونسل لیڈر آف اپوزیشن بی کے ہری پرساد نے بھی۳؍یاترائیں نکالی تھیں۔پارٹی نے اس سے قبل۴۰؍ فیصد حکومت‘ اور پے سی ایم‘مہم شروع کی تھی،جس کے تعلق سے لیڈران کا دعویٰ ہے کہ اس نے ووٹروں کو جھنجھوڑنے کا کام کیا ہے۔
راہل گاندھی پیر کوکرناٹک کے دورہ پر جائیں گے
