تیجسوی یادو سی بی آئی کے روبرو پیش نہیں ہوئے

نئی دہلی۔ بہار کے ڈپٹی چیف منسٹرتیجسوی یادو 11 مارچ کو زمین کے بدلے نوکری اسکام کے سلسلہ میں پوچھ تاچھ کیلئے سی بی آئی کے روبرو پیش نہی ہوسکے کیونکہ بیوی حاملہ اور اس کو ہاسپٹل میں شریک کیا گیا ہے۔ سی بی آئی کے ذرائع کے مطابق تیجسوی یادو نے اپنی بیوی کی خراب صحت کا حوالہ دیا ہے۔ دراصل تیجسوی یادو کی بیوی حاملہ ہیں۔ اس لیے تیجسوی یادو نے سی بی آئی انکوائری میں حصہ نہ لینے کا فیصلہ کیا ہے۔ مرکزی تحقیقاتی ایجنسی سی بی آئی نے آج بہار کے نائب وزیر اعلی تیجسوی دیاو کو پوچھ تاچھ کے لیے سمن بھیجا تھا۔دراصل، سی بی آئی کی ٹیم تیجسوی یادو سے زمین فار جاب اسکام معاملے میں پوچھ گچھ کرنا چاہتی ہے۔ اس لیے اس معاملے پر مزید انکوائری کا مطالبہ کیا گیا۔ سی بی آئی ہیڈکوارٹر میں کام کرنے والے ایک ذرائع کے مطابق، 11 مارچ بروز ہفتہ، تیجسوی یادو کو پوچھ گچھ کے لئے دوپہر 2 بجے تک بلایا گیا تھا جس پر تیجسوی یادو کی طرف سے منظوری بھی دی گئی تھی۔ لیکن اچانک تیجسوی یادو نے اپنی بیوی راج شری کی صحت کو لے کر سی بی آئی ہیڈ کوارٹر نہ جانے کا فیصلہ کیا۔حالانکہ اس سے قبل بھی سی بی آئی کی جانب سے تیجسوی یادو کو پوچھ گچھ کے لیے سمن بھیجا گیا تھا لیکن وہ نہیں آئے۔ انہیں سی بی آئی نے 4 مارچ کو پوچھ گچھ کے لیے بلایا تھا۔ لیکن بہار قانون ساز اسمبلی کے جاری اجلاس کے ساتھ کچھ اور اہم کاموں میں مصروف ہونے کی وجہ سے وہ انکوائری میں شریک نہیں ہو سکے۔ جلد ہی سی بی آئی کی جانب سے ایک بار پھر پوچھ گچھ کے لیے ایک نئی تاریخ فراہم کی جائے گی اور اسے سی بی آئی ہیڈ کوارٹر میں پوچھ گچھ کے لیے بلایا جائے گا۔ اگلی بار بھی اگر تیجسوی یادو پوچھ گچھ کے عمل میں حصہ لینے نہیں آتے ہیں تو یقیناً ان کی مشکلات بڑھ سکتی ہیں۔آر جے ڈی سربراہ لالو پرساد یادو کے ارکان خاندان کے خلاف تحقیقاتی ایجنسیوں کی کارروائیوں کا سلسلہ لگاتار جاری ہے۔ گزشتہ روز جہاں ای ڈی نے لالو یادو کے ارکان خاندان اور قریبی افراد کے متعدد ٹھکانوں پر چھاپہ ماری کی تھی، وہیں اب بہار کے نائب وزیر اعلیٰ تیجسوی یادو کو اسی معاملہ میں سی بی آئی نے پوچھ گچھ کے لئے طلب کیا ہے۔ اس معاملہ میں ای ڈی نے جمعہ کو دہلی اور پٹنہ سمیت تقریباً 15 مقامات پر چھاپے مارے تھے۔ لالو یادو کی بیٹیوں اور تیجسوی یادو کے گھروں کے علاوہ دیگر آر جے ڈی لیڈروں کے گھروں پر بھی چھاپے مارے گئے تھے۔دریں اثنا، لال پرساد یادو نے تفتیشی ایجنسیوں کے کارروائی پر سخت رد عمل ظاہر کرتے ہوئے اسے بی جے پی کی گری ہوئی سیاست قرار دیا۔