نئی دہلی: دارالحکومت دہلی کے بھجن پورہ علاقے کے وجے پارک میں چہارشنبہ کی سہ پہر ایک 5 منزلہ عمارت اچانک منہدم ہوگئی۔یہ عمارت صرف 25 مربع گز پر 20 سال قبل تعمیر کی گئی تھی جبکہ دیگر ذرائع نے بتایا کہ یہ عمارت صرف 18 مربع گز پر تھی۔ بلدی حکام نے اس عمارت کو بوسیدہ قرار دیا تھا جس کے بعد اس میں مقیم افراد کو 12 دن قبل ہی خالی کروادیا گیا تھا جس کی وجہ سے کوئی جانی نقصان نہیں ہوا۔ حادثہ کے فوراً بعد پولیس، فائر بریگیڈ کی 4 گاڑیاں اور ڈیزاسٹر مینجمنٹ ٹیم موقع پر پہنچ گئے اور ملبہ کو صاف کیا۔کسی کے زخمی ہونے یا جانی نقصان کی اطلاع نہیں ہے۔ یہ 18 مربع گز کے رقبہ پر ایل کی شکل والی عمارت تھی۔ عمارت سڑک پر گرنے سے برقی کی تاریں منقطع ہوگئیں۔ اس کے علاوہ حادثہ کے بعد سارا ملبہ راستے میں گر گیا ہے جس کی وجہ سے علاقہ کے لوگوں کی آمد و رفت مشکل ہوگئی ہے۔ حادثہ کی تحقیقات جاری ہے۔
18 گز پر تعمیر 5 منزلہ عمارت اچانک زمین دوز
