مکہ میں ہفتہ کو چاند خانہ کعبہکے عین اوپر

ریاض : (کے این واصف) ہفتہ کی رات حرم مکی میں موجود زائرین کو ایک نایاب منظر دیکھنے کا موقع ملا ۔ مکہ مکرمہ میں ہفتہ /4 مارچ کو چاند خانہ کعبہ کے عین اوپر تھا ۔ ایسا 2023 ء کے دوران پہلی اور آخری مرتبہ ہوا۔ میڈیا کے مطابق جدہ میں فلکیاتی انجمن کے سربراہ انجنیئر ماجد ابو زاھرۃ نے کہا ہے کہ گرینیج ٹائم کے مطابق رات 7 بجکر 43 منٹ پر چاند 89-5 ڈگری کے اوپر مکہ مکرمہ کے آسمان پر تھا ۔ انہوں نے کہا کہ چاند کی روش 93 فیصد تھی ۔ اس موقع پر مریخ مغربی جہت میں نظر آتا ہے ۔ دیگر چمکدار ستارے بھی آسمان پر دیکھ جاسکتے ہیں ۔ انجنیئر ماجد ابو زاھرۃ کا کہنا تھا کہ ’’خانہ کعبہ کے عین اوپر چاند کے نظر آنے سے ماہرین فلکیات ستاروں اور سیاروں کی گردش سمیت مختلف اموردریافت کرتے ہیں ‘ ۔ دنیا کے مختلف علاقوں میں قبلہ کا رخ بھی آسانی سے متعین کیا جاسکتا ہے ۔