یعقوب قریشی اور بیٹا عمران گرفتار

بہوجن سماج پارٹی حکومت میں وزیر رہ چکے یعقوب قریشی کو ان کے بیٹے عمران کے ساتھ گرفتار کر لیا گیا ہے۔ نڈیا ٹی وی کی رپورٹ کے مطابق یعقوب قریشی کو دہلی کے چاندنی محل تھانہ علاقے سے پکڑا گیا۔ واضح ہو غیر قانونی میٹ پلانٹ آپریشن کے معاملے میں یعقوب اور ان کے بیٹے عمران پر 50-50 ہزار کا انعام رکھا گیا تھا۔ اب اس معاملے میں میرٹھ کے کھرکھودہ تھانے نےیہ گرفتاری کی ہے۔ یعقوب قریشی کے خلاف 174A آئی پی سی کے تحت مقدمہ بھی درج کیا گیا ہے۔
100 کروڑ روپے سے زیادہ کے اثاثے ضبط: گینگسٹر ایکٹ کے تحت یعقوب اور ان کےخاندان کی کروڑوں کی جائیداد قرق کی گئی ہے۔ بی ایس پی کے سابق وزیر یعقوب قریشی کو کل دیر رات گرفتار کیا گیا۔ گزشتہ سال جولائی میں میرٹھ ضلع انتظامیہ یہ ضبطی کی تھی
انڈیا ٹی وی کے مطابق پولیس نے تب بتایا تھا کہ 31 مارچ 2022 کو ہاپوڑ روڈ پر واقع قریشی کی فیکٹری الفہیم میٹیکس پرائیویٹ لمیٹڈ میں پولیس انتظامیہ اور کئی دیگر محکموں کی مشترکہ کارروائی میں مبینہ طور پر تقریباً پانچ کروڑ روپے کا غیر قانونی گوشت پکڑا گیا تھا۔ پولیس نے غیر قانونی طور پر گوشت کی پیکنگ کرتے ہوئے 10 ملازمین کو رنگے ہاتھوں گرفتار کرلیا۔ غیر قانونی میٹ پلانٹ آپریشن کے مقدمے میں یعقوب قریشی، ان کی اہلیہ سنجیدہ بیگم، بیٹے عمران اور فیروز کو نامزد کیا گیا تھا۔ قریشی کے گھر پر ایک اٹیچمنٹ وارنٹ چسپاں کیا گیا تھا جس میں قریشی کو اہل خانہ سمیت عدالت میں پیش ہونے کا حکم دیا گیا تھا تاہم انہوں نے کوئی جواب نہیں دیا۔ اس دوران پولیس نے 100 کروڑ روپے سے زیادہ کی جائیداد ضبط کر لی۔