نئی دہلی :شمالی ضلع میں اب تک 500 لاپتہ افراد کی تلاش کی جا چکی ہے۔ پولیس کا کہنا ہے کہ جب کوئی بچہ، بوڑھا یا کوئی اور گھر سے لاپتہ ہو جاتا ہے تو گھر والے اسے ڈھونڈنے کے لیے ٹھوکریں کھاتے ہیں۔ وہ پولیس کی مدد بھی لیتے ہیں اور ایسے لوگوں کے لیے شمالی ضلع پولیس نے آپریشن تلاش ابھیان شروع کیا ہے۔ گزشتہ سال نومبر کے مہینے میں شروع کی گئی اس مہم کے تحت اب تک تقریباً 500 افراد کا سراغ لگا کر انہیں ان کے اہل خانہ سے ملایا جا چکا ہے۔ ڈپٹی کمشنر آف پولیس ساگر سنگھ کلسی نے بتایا کہ سب انسپکٹر ونود والیہ کی نگرانی میں ضلعی سطح پر ایک الگ ٹیم تشکیل دی گئی۔ پہلے 4 ٹیمیں کام کر رہی تھیں، بعد میں 7 ٹیمیں بنائی گئیں۔ آپریشن تلاش مہم یکم نومبر 2021 کو شروع کی گئی تھی اور اب تک تقریباً 500 افراد کو تلاش کیا جا چکا ہے۔ لاپتہ افراد کی تلاش کے لیے دہلی کے علاوہ پولیس کی ٹیمیں آسام، بہار، گجرات، ہریانہ، ہماچل پردیش، مہاراشٹر، مدھیہ پردیش، پنجاب، راجستھان، اتر پردیش، اتراکھنڈ، مغربی بنگال اور کرناٹک میں گئیں۔ اس مہم کے تحت پولیس نے تقریباً 200 نابالغ اور 300 کے قریب بوڑھے افراد کو تلاش کیا ہے۔ ان میں تقرےباً300 خواتین اور لڑکیاں شامل ہیں۔
500 لاپتہ افرادکو تلاش کرکےپولیس نے اہل خانہ سے ملوایا
