نئی دہلی: ملک میں کورونا وائرس کے کیسز میں تیزی سے کمی کے درمیان ایکٹیو کیسز کی تعداد گھٹ کر 55 ہزار پر آ گئی ہے، جب کہ گزشتہ 24 گھنٹوں میں 4362 نئے کیسز اور 66 مریضوں کی موت کی اطلاعات ہیں مرکزی وزارت صحت کی طرف سے پیر کو جاری کردہ اعداد و شمار کے مطابق گزشتہ 24 گھنٹوں کے دوران ملک میں کورونا سے 9620 افراد کے صحت یاب ہونے کے بعد اس وبا سے شفایاب ہونے والوں کی مجموعی تعداد 4,23,98,09 ہو گئی ہے۔ اسی عرصے میں ایکٹو کیسز کی تعداد 5324 سے گھٹ کر 54,118 رہ گئی ہے اس کے ساتھ ہی اس وبا سے مزید 66 افراد کے ہلاک ہونے سے مرنے والوں کی تعداد بڑھ کر5,15,102 ہو گئی ہے۔
ملک میں کورونا سے اموات کی شرح 1.20 فیصد، صحت یابی کی شرح 98.68 فیصد اور وائرس کی شرح 0.13 فیصد ہے۔
کیرالہ میں گزشتہ 24 گھنٹوں کے دوران ایکٹیو کیسز کی تعداد گھٹ کر 14,968 رہ گئی ہے۔ اس کے ساتھ ہی 3033 افراد کے صحت یاب ہونے کے بعد اس سے چھٹکارا پانے والوں کی تعداد 64 لاکھ 30 ہزار 941 ہو گئی ہے جب کہ مرنے والوں کی تعداد 66 ہزار 180 ہو گئی ہے۔
