نئی دہلی: بگ بازارچلانے والی فیوچرریٹیل کے آن لائن اورآف لائن کاروبار کو بند کرنے کے بعد نوکری کے بحران کی فکر میں مبتلا تقریباً 500 اسٹورکے ہزاروں ملازمین کو ریلائنس ریٹیل میں امید کی کرن نظر آرہی ہے ذرائع نے بتایا کہ ریلائنس ریٹیل فیوچر کے جن اسٹوروں کا کنٹرول اپنے ہاتھوں میں لے رہی ہے، ان میں کام کرنے والے تقریباً 30,000 ملازمین اپنے مستقبل کو محفوظ محسوس کر رہے ہیں ذرائع نے کہا’’ ریلائنس ریٹیل نے فیوچر کے پہلے ہی 200 سے زیادہ ریٹیل اسٹور ہاتھ میں لیے تھے اور اگلے 15 دنوں میں اس کے پاس فیوچر کے 500 فیوچر ریٹل اسٹور آئیں گے ‘‘۔
فیوچر کے ملک بھر میں بگ بازار، ایزی ڈے کلب اور ہیریٹیج فریش برانڈز کے کل چھوٹے بڑے 1700 سے زائد اسٹور ہیں۔ فیوچر کے کچھ ملازمین نے بتایا کہ ریلائنس ریٹیل جن اسٹوروں لے رہی ہے ان کی ری برانڈنگ (نام تبدیل کر) جنہیں انہیں پیش کرنے کے ساتھ ہی ان کے ملازمین کی خدمات حاصل کر رہا ہے۔ لیکن وہ کہتے ہیں کہ فیوچر ریٹیل ملازمین کے لیے غیر یقینی صورتحال ہے جو ابھی تک ’ریلائنس کی چھترچھایا میں نہیں آئے ہیں‘۔
واضح رہے کہ فیوچر ریٹیل کے بیشتر اسٹور کے شٹر اتوار سے بند ہیں اور اس کی آن لائن بزنس ویب سائٹ بھی ٹھپ ہے ۔
ممبئی کے تھانے علاقے کے ایک بگ بازار میں کام کرنے والی منیشا چاکے نے ریلائنس ریٹیل کو پے رول پر لینے کی خبر سے پرجوش ہیں ۔ ان کا کہنا ہے کہ ان کے ایچ آر ڈیپارٹمنٹ نے انہیں یقین دلایا ہے کہ ان کی ملازمت جاری رہے گی ۔ انہوں نے یواین آئی سے کہا ’’ کمپنی میں بحران کی وجہ سے ہم لوگ اپنی نوکری کے بارے میں فکرمند تھے۔ اب ہمیں ایچ آر کی طرف سے بتایا گیا ہے کہ ریلائنس ہمیں اورہمارےساتھیوں کو کام پر رکھے گی۔ ہمیں بڑی راحت ملی ہے ‘‘ ۔
