نئی دہلی: گزشتہ 24 گھنٹوں کے دوران ملک میں ہلاکت خیز کورونا وائرس سے صحت یاب ہونے والوں کی تعداد اس وائرس کی زد میں آنے والے نئے مریضوں کی تعداد سے تقریباً تین گنا زیادہ ہے، جس کی وجہ سے ایکٹیو کیسز کی تعداد 38,353 سے گھٹ کر تقریباً ڈھائی لاکھ رہ گئی ہے۔
مرکزی وزارت صحت اور خاندانی بہبود نے ہفتہ کو یہاں بتایا کہ ملک میں گزشتہ 24 گھنٹوں میں 36 لاکھ 28 ہزار 578 افراد کو کووڈ ویکسین لگائی ۔ اس کے ساتھ ہی آج صبح 7 بجے تک 175 کروڑ تین لاکھ 86 ہزار 834 افراد کو کووڈ ویکسین دی جاچکی ہے۔
وزارت نے کہا کہ گزشتہ 24 گھنٹوں میں کووڈ وائرس کے 22 ہزار 270 نئے کیسزسامنے آئے ہیں۔ اس کے ساتھ ہی ملک کے مختلف اسپتالوں میں زیر علاج کورونا کے فعال مریضوں کی تعداد دو لاکھ 53 ہزار 739 ہو گئی ہے۔ یہ کل متاثرہ کیسز کا 0.59 فیصد ہے۔ یومیہ کیسز کی شرح 1.80 فیصد تک پہنچ گئی ہے۔
وزارت نے کہا کہ اسی مدت میں 60 ہزار 298 مریضوں نے جان لیواکووڈ سے شفایابی حاصل کی اور اب تک کل چار کروڑ 20 لاکھ 37 ہزار 536 لوگ کووڈ سے صحت یاب ہو چکے ہیں اور اس کی شرح 98.21 فیصد ہے۔
ملک میں کورونا کے ایکٹیو کیسز کی تعداد اب بھی ڈھائی لاکھ سے زائد
