واشنگٹن: مغربی ممالک کے حکام اور میڈیا کا دعویٰ ہے کہ روس یوکرین پر چڑھائی کرنے کی تیاری کررہا ہے جبکہ روس نے ان دعوؤں کو پروپیگنڈا قرار دیا ہے اور کہا ہے کہ روس ناٹو کی طرح نہیں ہے۔
’نیویارک ٹائمز‘ نے بائیڈن انتظامیہ کے حوالے سے بتایا کہ پنٹاگن یوکرین کو روسی چڑھائی پر فوری ردِعمل دینے کے حوالے سے جنگی معلومات فراہم کرنے پر غور کررہا ہے۔ تاہم یہ معلومات یوکرین کو حملہ میں پہل کرنے کا اہل بھی بنا سکتی ہے۔
معاملہ سے واقف ایک افسر کا کہنا تھا کہ امریکہ یوکرین کو مبینہ روسی حملہ کی تیاری سے بھی پہلے ڈیٹا فراہم کرتا آرہا ہے۔ دوسری جانب وزارت دفاع کی سابق ڈپٹی اسسٹنٹ سکریٹری ایولین فرکاس نے کہا کہ ہم انہیں ڈیٹا فراہم کرتے ہیں تاکہ وہ روس کو نشانہ بنا سکیں۔
ذرائع نے بتایا کہ امریکہ نے یوکرین کو افغانستان سے ہیلی کاپٹرز اور دیگر ساز و سامان معہ جنگی سائبر ٹیکنالوجی کے ماہرین مہیا کرنے کی بھی پیشکش کی ہے۔
خیال رہے گزشتہ کئی مہینوں سے یوکرین اور روس کے درمیان شدید کشیدگی ہے اور دن بہ دن یہ بڑھتی ہی جارہی ہے۔
ماسکو سے نمٹنے کیلئے امریکہ کا یوکرین کو روس کیخلاف کارآمد جنگی معلومات فراہم کرنے پر غور
