نئی دہلی: نائب صدر ایم وینکیا نائیڈو نے سابق وزیر اعظم چودھری چرن سنگھ کو ان کی یوم پیدائش پرخراج عقیدت پیش کیا ہے۔
جمعرات کو قومی کسان دن کے موقع پر یہاں جاری ایک پیغام میں جناب نائیڈو نے کہا کہ چودھری چرن سنگھ کسانوں کے ایک وقف لیڈر تھے۔ انہوں نے کہا کہ اس موقع پر ان کسانوں کو بھی خراج عقیدت پیش کرتے ہیں جنہوں نے ملک کو اناج کے شعبے میں خود کفیل بنایاہے۔
مسٹرنائیڈو نے کہا، ’’ملک کے سابق وزیراعظم اورزندگی بھر زراعت اور زرعی مفادات کے لیے وقف سیاست دان چودھری چرن سنگھ جی کی جینتی پر ان کوخراج عیقدت پیش کرتاہوں۔
انہوں نے کہا کہ چودھری چرن سنگھ جی کے یوم پیدائش کو ملک بھر میں کسان دیوس کے طور پر منایا جاتا ہے۔ انہوں نے کہا کہ کسان کے دن کے موقع پر ملک کے ان کامیاب کسان بھائیوں کی محنت اور لگن کو سلام کرتا ہوں جنہوں نے وبا کے دور میں بھی ملک کی غذائی تحفظ کو یقینی بنایا۔
نائب صدر جمہوریہ نے کہا کہ زراعت سب سے مشکل، محنت طلب اور غیر یقینی پیشہ ہے۔ ملک اور معاشرے کے لیے ضروری ہے کہ زراعت کو قابل عمل بنایا جائے، کسانوں کی آمدنی میں اضافہ کیا جائے، پرانے طریقوں سے ہٹ کر زراعت اور دیہی معیشت میں جدت اور سرمایہ کاری کی جائے، یہ شعبہ باصلاحیت نوجوانوں کو انٹرپرینیورشپ کے نئے مواقع فراہم کرے۔
