لکھنو: اترپردیش میں چل رہے 56ویں آل انڈیا ڈی جی- آئی جی پی کانفرنس میں شامل ہونے لکھنو آئے وزیر اعظم نریندر مودی سے کانگریس جنرل سکریٹری پرینکا گاندھی نے اس کانفرنس میں شامل نہ ہونے کی اپیل کی ہے۔ پرینکا گاندھی نے لکھیم پور کھیری معاملے کو اٹھاتے ہوئے کہا کہ وزیر اعظم کو اس کانفرنس میں ملزم وزیر مملکت برائے داخلہ اجے مشرا کے ساتھ اسٹیج شیئر کرنے کی جگہ انہیں برخاست کرنا چاہئے۔کانگریس جنرل سکریٹری نے وزیر اعظم مودی کو اس بابت لکھا خط ٹوئٹ کرتے ہوئے کہا، وزیر اعظم مودی لکھنو آئے ہیں۔ مودی جی کی پولیس افسران کے ساتھ میٹںگ ہے۔ میں نے وزیر اعظم مودی کو ایک خط لکھا ہے۔ لکھیم پور کے کسانوں (ان داتاوں) کے ساتھ ہوئی بربریت کو ملک نے دیکھا ہے۔ آپ کے وزیر کا ہی بیٹا اس معاملے کا اہم ملزم ہے۔ سیاست کے دباو میں انصاف کی آواز دبائی گئی ہے۔ سپریم کورٹ نے حکومت پر ملزم کو بچانے سے متعلق تبصرہ کیا ہے۔ آپ نے کہا کہ آپ کسانوں کے تئیں نیک نیت رکھتے ہیں۔ مودی جی اگر ملک کے کسانوں کے تئیں آپ کی نیت یقیناً صاف ہے تو آج اپنے مرکزی وزیر مملک کے ساتھ اسٹیج مت شیئر کیجئے، ان کو برخاست کیجئے‘۔پرینکا گاندھی کا بڑا اعلان- کانگریس اقتدار میں آئی تو معاف ہوں گے کسانوں کے قرض، للت پور میں کسان فیملی سے ملاقات پرینکا گاندھی نے وزیر اعظم مودی کو لکھے خط میں کہا، ’لکھیم پور میں ان داتاوں (کسانوں) کے ساتھ ناانصافی ہوئی ہے۔ مرکزی وزیر مملکت کے عہدے پر بنے رہتے ہوئے لکھیم پور کے کسانوں کو انصاف نہیں ملے گا۔ وزیر اعظم جی کل آپ نے کسان بل واپس لیا ہے۔ اگر آپ کی نیت صاف ہے تو آپ وزیر مملکت برائے داخلہ کے ساتھ اسٹیج شیئر مت کیجئے۔ لکھیم پور کے شہید کسانوں کو انصاف ملنا چاہئے‘۔
