نئی دہلی :کرناٹک میں بی ایسیدی یو رپا نے آخر کار اعتماد وٹ حاصل کر لیا ہے۔ سرکار کی حمایت میں 105 ووٹ ہیں۔جبکہ کانگریس کےحمایت میں99 ووٹ ہیں۔
گورنر نے بی ایس یدی یورپا کو جمعہ کو وزیراعلیٰ کے عہدے کا حلف دلانے کے بعد اعتماد کا ووٹ حاصل کرنے کےلئے ایک ہفتے کا وقت دیاتھا۔ وزیراعلی نے آج اعتماد کے ووٹ کی تجویز رکھنے کی بات کہی۔ کیونکہ ریاستی حکومت کے ملازمین کی تنخواہ طے کرنے کےلئے 31جولائی سے پہلے اہم مالیاتی بل پاس کیاجاناہے۔
اسمبلی اسپیکر کی جانب سے17باغی اراکین اسمبلی کو نا اہل ٹھہرائے جانے کے بعد ایوان کے 224 اراکین کی تعداد گھٹ کر 207رہ گئی تھی اورپارٹی کو اکثریت ثابیت کرنے کےلئے 105 اراکین کی ضرورت تھی۔ جسے آسانی سے حاصل کرلیاگیا۔کمارا سوامی دوفلور ٹیسٹ دے چکے ہیں۔ ایک میں انھیں کامیابی ملی تھی تو دسرے میں ناکامی ۔ اسی طرح ید ی یورپا کا بھی یہ دوسرا فلور ٹیسٹ ہے۔ پہلے فلورٹسٹ میں یدی یورپا ناکام ہو گئے تھے۔
