پاکستان کے سابق وزیر اعظم اور ان کی بیٹی مریم نواز پر حکومت پاکستان نے ملک سے باہر جانے پر پابندی لگا دی ہے۔
پاکستان کے سابق وزیر اعظم نواز شریف کی مشکلیں کم ہوتی نظر نہیں آ رہی ہیں۔ ایک طرف انکے ساتھ ساتھ ان کی بیٹی کو پاکستان حکومت نے ایگزٹ کنٹرول لسٹ میں ڈال دیا ہےاور دوسری طرف ان کے وکیل نے اپنا وکالت نامہ واپس لے لیا ہے ۔ گویا کہ اب وہ ملک سے باہر نہیں جا سکیں گے۔ خبریں تو یہاں تک ہیں کہ نواز شریف کی گرفتاری بھی عمل میں آ سکتی ہے۔ذرائع کا کہنا ہے کہ فوج نواز شریف پر لگے این بی اے کا کیس واپس لینا چاہتی ہے اور اس معاملے میں نواز کے کچھ قریبی اشخاص کا کہنا ہے کہ پاکستانی فوج ان سے خوفزدہ ہے جس کی وجہ سے ان پر پابندیاں عائد کی جا رہی ہیں۔ پاکستانی فوج کو نواز کی انتخابی مہم سے بھی خطرہ لاحق ہے۔ دراصل نواز شریف نے ایک انٹرویو میں جب سے یہ اعتراف کیا ہے کہ پاکستان میں دہشت گرد تنظیمیں سرگرم ہیں، پاکستان میں سرکاری نظام اور فوج کے ذریعہ ان کی مخالفت شروع ہو گئی ہے۔